Túrik geologtary qazba baılyqtardy barlaý jumystary kezinde Jerorta teńizinde jalpy quny 6,6 mlrd dollar bolatyn 100 tonna altyn ken ornyn tapty.
«Altyn Gıýbretash ýchaskesinen tabyldy. Zertteýler kórsetkendeı, Túrkııa aýmaǵyndaǵy jerasty altyn áleýeti 6,5 myń tonnany quraıdy. Al qazirgi ýaqytta osy qorlardan 1,5 myń tonna óndirýge bolady. Sonymen qatar tek qoljetimdi qorlardyń quny 405 mıllıard dollarǵa baǵalanady. Túrkııa energetıka jáne taý-ken salasyndaǵy ulttyq saıasatynyń jemisin jınaı bastady», dep jazady basylym.
Qazirgi ýaqytta Túrkııada 18 altyn óndirýshi kásiporyn jumys isteıdi. 2001 jylǵa deıin elde altyn óndirilmegen. Alǵash ret óndirý 2001 jyly Izmırdegi Ovadjık altyn kenishinde bastaldy. 19 jyl ishinde munda 340 tonna baǵaly metall óndirildi.
Búgingi tańda Túrkııada 15 orta, 18 shaǵyn ken orny jáne álemdik deńgeıdegi eki ken orny ashylǵan. Olardyń biri – Erzındjanda, ekinshisi – Ýshakta.