Atyraý oblysyndaǵy Teńiz kenishinde 88 jumysshy koronavırýs ınfeksııasyn juqtyrdy, dep habarlaıdy Egemen.kz
Oblystyq densaýlyq saqtaý basqarmasy baspasóz qyzmetiniń málimetine qaraǵanda, ótken táýlikte 116 adamnan koronavırýs ınfeksııasy anyqtalǵan. Naýqastardyń deni Atyraý qalasy men Teńiz kenishinde baıqalyp otyr.
«Oblys ortalyǵynan 17, Teńiz kenishinde 88 jumysshy qaýipti vırýsqa shaldyqty. Sondaı-aq, Jylyoı aýdanynda 4, Qyzylqoǵada – 1, Maqatta – 1, Qurmanǵazy aýdanynda 5 adam koronavırýs juqtyrdy. 28 naýqasta Sovid-19 sımptomdy túri baıqaldy», dep habarlady basqarmanyń baspasóz qyzmetiniń ókili.
Qazir úı jaǵdaıynda emdelip jatqan 292 adam bar. Oblystyq ınfeksııalyq stasıonarda 106, aýdandardaǵy stasıonarlarda 37, Teńiz kenishindegi stasıonarda 622 adam em qabyldap jatyr. О́tken táýlikte koronavırýstan 90 adam emdelip shyqqan. Eske sala ketsek, buǵan deıin Atyraý oblysynda 1032 naýqas emdelip jatqanyn jazǵan bolatynbyz.