2021 jyly 601 kóshege syrtqy jaryqtandyrý júıesin ornatý josparlanǵan, dep habarlaıdy Egemen.kz.
Qala ákimi B. Saǵyntaevtyń tapsyrmasyna sáıkes megapolıstiń barlyq kóshelerine syrtqy jaryqtandyrý ornatý jumystary jalǵasyn taýyp otyr. Aldaǵy jyly jaryq paıda bolatyn 601 kósheniń ishinde Almaly aýdanynda - 84, Áýezov aýdanynda - 89, Bostandyq aýdanynda - 155, Medeýde - 273 kóshe bar.
2020 jyly «Jańa Almaty» keshendi jospary aıasynda qalanyń 2024 kóshesine syrtqy jaryqtandyrý jelileri ornatyldy.
Sonymen qatar, ótken jyly qoldanystaǵy jelilerdi modernızasııalaý aıasynda 5,7 myń sham ornatyldy, 147 km kabel tartyldy, 7 negizgi kóshe boıyna 4,8 myń baǵan ornatyldy: Dostyq dańǵyly (ál-Farabı dańǵylynan Medeýge deıin), Saıyn kóshesi (Toraıǵyrov kóshesinen Rysqulov dańǵylyna deıin), Gagarın kóshesi (ál-Farabı dańǵylynan Tóle bı dańǵylyna deıin), Momyshuly kóshesi (Shalıapın kóshesinen Aqyn Sara kóshesine deıin), Shalıapın kóshesi (Áshimov kóshesinen bastap Saıyn dańǵylyna deıin), Jansúgirov kóshesi (Rysqulov dańǵylynan Qapshaǵaı jol aıyryǵyna deıin), Soltústik aınalym kóshesi (Qapshaǵaı jol aıryǵynan Rysqulov dańǵylyna deıin).
Buǵan deıin habarlanǵandaı, 2019 jyly jaryǵy múldem bolmaǵan 329 kóshede jaryqtandyrý jumystary júrgizildi. Sondaı-aq, 8,4 myń jaryq núktesi ornatyldy, 6 aýdanda 241 km syrtqy jaryqtandyrý jelileri tartyldy: Alataý aýdanynda - 65 kóshe (2,2 myń jaryq núktesi), Áýezov aýdanynda - 27 kóshe (712 jaryq núktesi), Bostandyq aýdanynda - 54 kóshe (830 jaryq núktesi), Jetisý aýdanynda - 55 kóshe (1,4 myń jaryq núktesi), Medeý aýdanynda - 19 kóshe (969 jaryq núktesi) jáne Túrksib aýdanynda - 109 kóshe (2,2 myń jaryq núktesi).
Energııany kóp qajet etetin natrıı shamdaryn SMART júıesin ornatý múmkindigi bar zamanaýı LED shamdarǵa aýystyrý arqyly 6 myńǵa jýyq sham jańartyldy, 148 km kabel tartyldy, 4,8 myń jańa tirekter ornatyldy.