Qutqarýshylar taýǵa serýenge baryp, aıaǵyn syndyryp alǵan jigitti tómenge evakýasııalady, dep habarlaıdy Egemen.kz
QR IIM TJK respýblıkalyq jedel qutqarý jasaǵy ótken demalysta qutqarý operasııasyn júrgizdi.
«2021 jyldyń 3 qańtar kúni, saǵat 15.40-ta QR TJM RJQJ kezekshi-dıspetcherlik bólimine, 1997 jyly týǵan er adamnyń aıaǵyn syndyryp alyp, ózdigimen qozǵala almaıtyny týraly habarlama kelip tústi. 8 adammen onyń ishinde 1 kınologııalyq esepten turatyn qutqarý toby jáne jedel – járdem kóligi oqıǵa ornyna birden attandy. Jolda jedel top jábirlenýshiniń dostarymen habarlasyp, olardyń naqty qaıda ekenin anyqtady.Qutqarýshylar zardap shegýshiniń dostarymen úzbeı baılanys ornata otyryp, olardyń jaǵdaılaryn bilip, oryndarynan qozǵalmaýlaryna keńes berdi», dep habarlady baspasóz qyzmetinen.
Belgili bolǵanyndaı dostar taýdan tómen syrǵanaǵan 24 jastaǵy er adam qatty jyldamdyqpen tómen syrǵanap kele jatyp tasqa soǵylǵan, saldarynan sol aıaǵyn syndyryp alǵan. Qutqarýshylar oqıǵa ornyna der kezinde jetip dárigerge deıingi alǵashqy kómek kórsetti, jaraqat alǵan jigitke jyly kıim kıgizip, aıaǵyn tańyp tasymaldaýdy bastady.
«Zardap shekken adamdy tasymaldaý, soqpaqtyń muzdy - syrǵanaq bolýymen kúrdelene tústi. Soǵan qaramastan ony shatqal avtokólik turaǵyna jaqyn ornalasqan, shlagbaýmynyń janynda kútip turǵan Apat medısına ortalyǵy brıgadasyna tapsyrdyq», dedi Respýblıkalyq jedel qutqarý jasaǵynyń mamandary.