Ekologııa, geologııa jáne tabıǵı resýrstar mınıstri Maǵzum Myrzaǵalıev OKQ-da ótken baspasóz máslıhatynda orman – qazaqstandyqtardyń baılyǵy ekenin aıtyp ótti, dep habarlaıdy Egemen.kz
«Qazaqstan orman alqaby az memleketter qataryna jatady. Orman qoryna jatatyn jerlerdiń jalpy kólemi 30 mln gektardy quraıdy. Iаǵnı respýblıkamyzdyń 11%-yn ǵana alyp jatyr. 13 mln gektar jerde orman ósýde. Ormandylyq kórsetkish 4,8% quraıdy. 2030 jylǵa qaraı eldegi orman alqaby kólemin 5%-ǵa deıin ulǵaıtý josparlanyp otyr», dedi mınıstr.
Mınıstrdiń aıtýynsha, 5 jyl ishinde orman alqaptarynda 2 mıllıard jáne eldi mekenderde 15 mln aǵash egiledi.
Bul baǵytta mınıstrlik oblys ákimdikterimen birlesip óńirler boıynsha aǵash otyrǵyzý kólemderin anyqtaǵan. Premer-Mınıstrdiń tapsyrmasy boıynsha qazirgi ýaqytta ormandy alqaptardy kóbeıtý men orman ósirýdiń keshendi josparyn ázirleý boıynsha jumystar júrgizilip jatyr.