Qarýly Kúshterde qol jumsaýdy túbegeıli joıý jónindegi jumystar josparly júrgiziledi. Osyndaı jaǵdaılar sany 2020 jyly 2019 jylmen salystyrǵanda 47%-ǵa tómendegen, dep habarlaıdy Egemen.kz.
Osy baǵytta barlyq deńgeıde jumys júrgizilýde. Bul jaıly QR Qarýly Kúshteri Bas shtaby Tárbıe jáne ıdeologııalyq jumystar departamenti bastyǵynyń orynbasary polkovnık Ermııan Bıatov aıtyp berdi.
«Búgingi tańda ár laýazymdy tulǵanyń mansaby bólimshedegi tárbıe jumysyn durys uıymdastyrýǵa baılanysty: laýazymdy kóterýge, áskerı ataq alýǵa, akademııaǵa túsýge. Osy rette barlyq dárejedegi komandırler, sondaı-aq serjanttar jeke basymen jaýap beredi jáne áskerı qyzmetshiler arasyndaǵy tártipti qoldaýǵa barlyq kúsh-jigerin salady», - dedi Ermııan Bıatov.
Eń aldymen bul uıymdastyrý sıpatyndaǵy sharalar jáne jaýyngerlik daıarlyqty, sportty, bos ýaqyt pen tárbıe is-sharalaryn qamtıtyn naqty kún tártibi. Barlyq áskerı qyzmetshiler turaqty baqylanady.
Jeke quramdy ózara baqylaý úshin «Jaýyngerlik dos» júıesi engizildi, onda ádette laýazymy men áskerı ataǵy boıynsha teń eki áskerı qyzmetshi bir-birine bekitiledi. Bul minez-qulyqtaǵy normadan aýytqý belgilerin ýaqtyly anyqtaýǵa jáne áskerı ujymda jaǵymsyz qylyqtardy aldyn alýǵa múmkindik beredi.
Sondaı-aq áskerı bólimderde Qorǵanys mınıstrligi ázirlegen oqý modýlderi boıynsha oqytý men tárbıeleý jumystary júrgizilýde. Olarǵa ahýaldyq keıster qosa beriledi. Onda qaqtyǵystardy ońtaıly sheshý joldary, jarǵydan tys qarym-qatynastyń saldarynan oryn alatyn ahýaldar kórneki usynylǵan.
Osy baǵytta belsendi túsindirme jumystardy áskerı polısııa da júrgizedi. Eger tulǵa aralyq nemese qyzmettik máselelerdi sheshýde bireý kúsh qoldansa, quqyq qorǵaý organdary dereý áreket etedi.
Qabyldanǵan uıymdastyrýshylyq sharalardy eskere otyryp, quqyqqa qarsy áreket jasaý jáne ony baıqamaı qalý shyn máninde múmkin emes. Bólimderdegi beınebaqylaý júıesi barlyq obektiler men úı-jaılardy qamtıdy. Kez kelgen jaraqat, kógerý, gematoma anyqtalǵan jaǵdaıda qyzmettik tekserý júrgiziledi jáne materıaldar qaraý úshin áskerı polısııaǵa jiberiledi.
Tıimdi oılaıtyn jastar áskerı bılet alýdyń ornyna sottalýshynyń oryndyǵyna otyrǵyzylyp, ómir boıy sottalǵandyǵyn aıshyqtaıtyn tańba taǵylatynyn anyq túsinedi.
Jeke qurammen jumys isteıtin ofıserler de, serjanttar da, qyzmetkerler de jaýapkershilikti jáne jaqsy áleýmettik kepildikteri bar turaqty jumystan aırylýǵa ákeledi.
Erler ujymynda týyndaıtyn jeke tulǵaaralyq qaqtyǵystardy eshkim joqqa shyǵarmaıdy. Kóbinese olar emosıonaldy turǵyda týyndaıdy. Degenmen, jalpy, júrgizilip jatqan jumys Qarýly Kúshterdegi barlyq qatynastar tek zańdar men jarǵylardyń normalaryna sáıkes qamtamasyz etilýge baǵyttalǵan. Áskerde qyzmet etýdegi jaǵymdy estelikter, sondaı-aq sarbazdardyń ata-analarynyń kóptegen oń pikirleri, jaǵymsyz statıstıkalyq kórsetkishterdiń turaqty tómendeýiniń tıimdiligine dálel bola alady.