Aqtaý qalasynyń turǵyny úshin mas kúıinde dúkenge barý qoǵamdyq jumysqa tartýǵa ákep soqty. Mańǵystaý oblysy boıynsha QAJ departamenti habarlanǵandaı, quqyq qorǵaý organdary qyzmetkerleriniń jasaǵan eskertýine «A» degen azamat jaýap retinde balaǵat sózder aıtyp, qarsylyq kórsetken. Keıin bul azamattyń qatty mas kúıde ekendigi belgili boldy.
Osylaısha, óziniń jasaǵan buzaqylyq áreketi úshin, atalǵan azamat Aqtaý qalalyq sotynyń úkimimen 40 saǵattyq qoǵamdyq jumys túrindegi jazaǵa tartyldy.
«Qazirgi tańda atalǵan azamatqa qylmystyq-atqarý zańnamasyna sáıkes taǵaıyndalǵan jazany oryndaý úshin tıisti aýmaq bólinip berildi», dedi Mańǵystaý oblystyq probasııa qyzmetiniń bastyǵy Ǵabıt Chýtabekov.