Almatydaǵy 242 saılaý ýchaskesine baryp bala-shaǵamyzben daýys berdik. Saılaý ádil ótedi dep senemin. Osy saıası naýqannan úlken úmit kútip otyrmyn. Bul týraly Qazaqstan Jazýshylar odaǵy tóraǵasynyń orynbasary, aqyn Baýyrjan Jaqyp aıtyp berdi, dep habarlaıdy Egemen.kz
Elimizdi úlken ózgeristerge bastaıtyn, jańǵyrtatyn Parlament jasaqtalady dep senemin. Úgit-nasıhat jumystary elimizde, sonyń ishinde Almaty qalasynda jaqsy júrgizildi. Barlyq partııalarǵa teń múmkindik jasaldy. Buqaralyq aqparat quraldary bolsyn, áleýmettik jeliler bolsyn, halyq ár partııanyń saılaýaldy baǵdarlamasymen tanysty.
Sonymen qatar saılaýshylar da der kezinde aqparattandyrylyp otyrdy. Saılaýshylarǵa daýys beretin saılaý ýchaskeleri týraly der kezinde aıtyldy. Osyndaı jumysty uıymdastyrǵan Almaty ákimdiginiń jumysyna joǵary baǵa berýge bolady.