Partııalyq tizimder boıynsha ótip jatqan Parlament Májilisi jáne oblystyq, qalalyq, aýdandyq máslıhattar depýtattary saılaýy úshin Mańǵystaý oblysy boıynsha 231 saılaý ýchaskesi jumys istedi, onyń 14-i vahtalyq ádispen jumys isteıtin ken oryndary men áskerı bólimderdegi jabyq saılaý ýchaskeleri.
Teńiz araldarynda ornalasqan áskerı bólimderdegi qyzmetkerlerdiń daýys berýin uıymdastyrý úshin tikushaq bólingen, deıdi arnaıy oryndar. Mańǵystaýda oblystyq, aýdandyq, qalalyq máslıhattarǵa barlyǵy 319 kandıdat tirkelgen bolsa, onyń 131-i áıelder men jastar.
Saılaýǵa Mańǵystaý aýdanynda biri 100-ge, ekinshisi 104-ke kelgen qos keıýana, kóp balaly otbasy, jýyrda egiz uly dúnıege kelgen Álibek Dúısenov bala-shaǵasymen baryp daýys berdi. Balalaryn ertip barý sebebin ol «jastaıynan eldik sharalardyń mańyzdylyǵyn túsinip ósýi qajet» dep túsindirdi.
Saılaý ýchaskelerinde sanıtarlyq jaǵdaılar saqtalyp, kelýshilerdiń qyzýy ólshenip, antıseptıkter qoldanyldy.
Mańǵystaý oblysy