Beıbitshilik jáne kelisim saraıynda Qazaqstan halqy Assambleıasynan usynylǵan QR Parlamenti Májilisiniń depýtattaryn saılaý boıynsha Qazaqstan halqy Assambleıasynyń XXVIII sessııasy ótip jatyr, dep habarlaıdy Egemen.kz
Búgin daýys bergenderdiń arasynda Úkimet basshysy Asqar Mamın, QR Premer-Mınıstriniń orynbasary Eraly Toǵjanov, Senat tóraǵasy Máýlen Áshimbaev, QR Ulttyq qaýipsizdik komıtetiniń tóraǵasy Kárim Másimov, elorda ákimi Altaı Kólginov bar.
Sonymen qatar usynylǵan kandıdattardy saılaýǵa Bilim jáne ǵylym mınıstri Ashat Aımaǵambetov pen Aqparat jáne qoǵamdyq damý mınıstri Aıda Balaeva qatysty.
«Qazaqstan Respýblıkasyndaǵy saılaý týraly» QR Konstıtýsııalyq zańynyń 93-1-babyna sáıkes sessııada Assambleıadan saılanatyn Qazaqstan Respýblıkasy Parlamenti Májilisiniń depýtattyǵyna QHA Keńesi usynǵan úmitkerlerge daýys beriledi. Oǵan QHA músheleriniń qatysýy eskerilgen. Sessııa jumysyna elimizdiń barlyq óńirlerinen respýblıkalyq jáne óńirlik etnomádenı birlestikter, qoǵam qaıratkerleri, ǵylymı jáne shyǵarmashylyq zııaly qaýymnan quralǵan QHA músheleriniń delegasııalary qatysyp jatyr.
2020 jyldyń 24 jeltoqsanda QR Ortalyq saılaý komıssııasy Májiliske QHA atynan saılaýǵa túsetin 9 depýtatty tirkegen edi.