Almaty qalasynyń aýmaqtyq saılaý komıssııasy Almaty qalasy máslıhaty depýtattaryn saılaý qorytyndylaryn shyǵaryp, daýys berý nátıjeleri boıynsha depýtattyq mandattardy taratty, dep habarlaıdy Egemen.kz
Saıası partııalardyń Almaty qalasy máslıhaty depýtattyǵyna kandıdattardy usynýy eki aı buryn bastalyp, saılaý kúnine bir aı qalǵanda jergilikti ýaqyt boıynsha 18.00-de aıaqtaldy. Almaty qalasynyń aýmaqtyq saılaý komıssııasy 5 saıası partııadan 118 kandıdatty tirkedi.
«Qazaqstan Respýblıkasyndaǵy saılaý týraly» Konstıtýsııalyq zańǵa sáıkes máslıhat depýtaty bolyp saılaný úshin azamat Konstıtýsııanyń 86-shy babybnyń 3-shi tarmaǵynda belgilengen talaptarǵa saı bolýy, sondaı-aq, Konstıtýsııanyń 33-shi babynyń 2-shi jáne 3-shi tarmaqtaryna jáne osy Konstıtýsııalyq zańǵa sáıkes saılaý quqyǵyna ıe bolý kerek.
Almaty qalasy máslıhaty saılaýynyń qorytyndylaryna sáıkes partııalyq tizimder boıynsha daýystar mynadaı bolyp bólindi: saılaýshylardyń 68,11% «Nur Otan» partııasyna daýys berdi, Qazaqstannyń «Aq jol» demokratııalyq partııasy 10,11% daýysqa ıe boldy, «Aýyl» demokratııalyq patrıottyq partııasy saılaýshylardyń 7,68% daýysyn aldy, Qazaqstan halyq partııasy - 7,31% jáne «Adal» saıası partııasy - 6,79% daýys aldy.
Almaty qalasy aýmaqtyq saılaý komıssııasynyń sheshimine sáıkes daýys berý qorytyndylary boıynsha saıası partııalar arasynda depýtattyq mandattardy bólý kezegi anyqtaldy.
«Nur Otan» partııasy Qazaqstannyń «Ak jol» demokratııalyq partııasy «Aýyl» demokratııalyq patrıottyq partııasy Qazaqstan halyq partııasyJanna Asanova aıtýynsha, «Nur Otan» partııasy 29 depýtattyq mandat aldy, Qazaqstannyń «Ak jol» demokratııalyq partııasy 4 mandatqa ıe boldy, al «Aýyl» demokratııalyq patrıottyq partııasy men Qazaqstan halyq partııasy árqaısysy 3 mandattan aldy.
Esterińizge sala keteıik, partııalyq tizim boıynsha Almaty qalasy máslıhatyna daýys berý 2021 jyldyń 10-shy qańtarynda jergilikti ýaqyt boıynsha saǵat 7.00-den 20.00-ge deıin ótti. Saılaýshylardyń belsendiligi 30,25% paıyzdy qurady.