Qazaqstannyń Japonııadaǵy Elshisi Erlan Baýdarbek-Qojataev Japonııanyń sarapshylar toby men BAQ ókilderi úshin QR Parlament Májilisine saılaý nátıjeleri týraly onlaın-brıfıng ótkizdi, dep habarlaıdy Egemen.kz
Is-shara qatysýshylary saılaý qorytyndylarymen, sondaı-aq saılaý naýqany jáne Qazaqstandaǵy daýys berý úderisi týraly aqparatpen tanystyryldy.
Japon sarapshylary 2021 jyly Japonııada parlamenttik saılaý ótkizý kútiletinin eskere otyryp, COVID-19 indeti jaǵdaıynda ótken Qazaqstandaǵy saılaýdy muqııat qadaǵalaǵanyn atap ótti.
Qazaqstandy zertteý jónindegi sarapshylar qoǵamynyń tóraǵasy, «Rısýmeıkan» ýnıversıtetiniń qurmetti professory Keı Karasava Qazaqstandaǵy demokratııalyq reformalardyń qarqynyn joǵary baǵalap, jalpy saılaýdyń tabysty ótýimen quttyqtady.
Ortalyq Azııa elderi boıynsha sarapshy Kae Iаnagısava saıası partııalar kandıdattary tiziminde áıelder men jastar úshin 30 paıyzdyq kvota engizý boıynsha Qazaqstannyń tájirıbesine qyzyǵýshylyq tanytyp, osy taqyryptyń japon qoǵamy úshin ózektiligin atap ótti.
Japondyq sarapshylardyń pikirinshe, Ulttyq qoǵamdyq senim keńesiniń qyzmeti Qazaqstandaǵy saıası turaqtylyqty qamtamasyz etýde mańyzdy ról atqarady.