Qaraǵandy oblysy Temirtaý qalasynda turatyn qarııa eń úlken shyrshaǵa «jarylǵysh zat qoıyldy» dep tártip saqshylaryn aıaǵynan tik turǵyzdy. Bul týraly «31» telearna habarlady.
Qaladaǵy saýda úıleri biriniń aldyna ornatylǵan shyrsha mańaıynan «jarylǵysh zat» tabylmady. Artynan jurtshylyqty ábigerge salǵan 62 jastaǵy azamat ekeni anyqtaldy. Ol araq ishkendikten, ázilge boı aldyrdym dep aqtalmaqshy boldy. Qazir onyń ústinen qylmystyq is qozǵalyp, tergeý amaldary júrgizilýde. «Jergilikti jerde osyǵan uqsas eki ret osyndaı jaǵdaı boldy. Sol kezde kináli azamattardyń ákimshilik jaýapkershilikke tartylǵanyn bildik. Mundaı keleńsizdikten barlyǵymyzdyń belgili bir ýaqyttan utylatynymyz anyq»,-deıdi saýda ornynyń qaýipsizdik qyzmetiniń bastyǵy Vladımır Koleno.
Baqytbek Keneshuly.
Derekkóz: «31» telearna