Aıgúl Saıfollaqyzy Quspan QR Parlamenti Májilisiniń Halyqaralyq ister, qorǵanys jáne qaýipsizdik komıtetiniń Tóraǵasy bolyp saılandy, dep habarlaıdy Egemen.kz Qazaqstan Syrtqy ister mınıstrliginiń resmı jańalyqtar kanalyna silteme jasap.
"Dıplomatııalyq qyzmet jyldarynda ol únemi joǵary kásibıligimen, óziniń bastamashyldyǵymen, qıyn da kúrdeli máselelerdi sheshe bilýimen otandyq jáne sheteldik dıplomattar tarapynan úlken abyroı men qurmetke ıe boldy.
A.Quspan parlamentarızmniń damýyna, sondaı-aq syrtqy saıasattaǵy túrli sheshimderdiń ońynan bolýyna, sheteldik Parlamenttermen ózara senimge qurylǵan baılanys ornatýǵa óz úlesin qosady degen senimdemiz", - delingen habarlamada.