14 qańtarda tańǵy saǵat toǵyzda Samara-Shymkent tas jolynda jedel járdemniń qatysýymen jol-kólik oqıǵasy boldy, dep habarlaıdy Egemen.kz jergilikti telearnaǵa silteme jasap.
Hromtaý aýdany, Aqqudyq aýylynyń janyndaǵy tas jolda 35 jastaǵy KIA avtokóliginiń júrgizýshisi rólge ıe bola almaı, qarsy jolaqqa shyǵyp ketip, Áıteke bı aýdanynyń ortalyq aýdandyq aýrýhanasyna tıesili «Ýaz» avtokóligimen soqtyǵysqan.
Jol-kólik oqıǵasy saldarynan jedel medısınalyq járdem júrgizýshisi men jolaýshy, ıaǵnı ortalyq aımaqtyq aýrýhananyń qyzmetkeri, dene jaraqattarymen Hromtaý oblystyq aýrýhanasyna jetkizildi. Birneshe saǵattan keıin 58 jastaǵy áıel esin jımastan qaıtys boldy. Jol-kólik oqıǵasy boıynsha sotqa deıingi tergeý bastaldy.