Oblystyq máslıhattyń I-shi sessııasynda máslıhat hatshysy bolyp Álibek Náýtıev saılandy. Ol osy kezge deıin oblys ákiminiń orynbasary laýazymyn atqardy, dep habarlaıdy Egemen.kz
Saılaý qorytyndysyna sáıkes, VII shaqyrylymdaǵy oblystyq máslıhatqa «Nur Otan» partııasynan – 25, «Aq jol» Qazaqstannyń demokratııalyq partııasynan – 3, «Aýyl» halyqtyq-demokratııalyq patrıottyq partııasynan 3 depýtat saılandy.
Bıyl jergilikti máslıhat depýtattarynyń sany 134-ten 141-ge kóbeıdi. Máselen, oblystyq máslıhat depýtattarynyń sany 27-den 31-ge, al, Atyraý qalalyq máslıhatynyń depýtattary 19-dan 24-ke, Jylyoı aýdandyq máslıhatynyń depýtattary 15-ke jetti.
«Saılaýaldy baǵdarlamany oryndaý men jańa reformalardy júzege asyrý mindetteri tur. Turǵyndardy tolǵandyratyn máselelerdi sheshýdiń júıeli josparyn jasaqtap, tıimdi joldaryn tabýymyz qajet. Sondyqtan, depýtattardy el ıgiligi úshin birlese qyzmet etýge shaqyramyn», dedi aımaq basshysy Mahambet Dosmuhambetov.