Barlyq áleýmettik mańyzy bar baǵyttardyń temirjol bıletteri 1 naýryzdan bastap qymbattaıdy, dep habarlaıdy Egemen.kz railways.kz saıtyna silteme jasap.
«Tasymaldaýshynyń áleýmettik mańyzy bar marshrýttar boıynsha jolaýshylardy tasymaldaýǵa baılanysty shyǵystaryn uzaq merzimdi sýbsıdııalaýǵa arnalǵan kelisimderge sáıkes, 2021 jyldyń 1 naýryzynan bastap jolaýshylardy temirjol kóligimen tasymaldaý qunyn aımaqaralyq jáne qala mańy baılanystaryndaǵy barlyq áleýmettik mańyzdy baǵyttar boıynsha 7% ındeksteý josparlanǵan», - delingen habarlamada.
Aıta keteıik, 2018 jyldan 2020 jylǵa deıin «Jolaýshylar tasymaly» AQ 159 vagon satyp alǵan. Olar kelesi baǵyttar boıynsha jolaýshylar poıyzdaryn jańartqanyn habarlady: Almaty - Mańǵystaý, Nur-Sultan - Saryaǵash, Atyraý - Nur-Sultan, Atyraý - Almaty, Nur-Sultan - Arqalyq, Atyraý - Mańǵystaý, Almaty - Jezqazǵan, Nur-Sultan - Semeı.