Prezıdenttiń kómekshisi Erlan Qarın Ulttyq qoǵamdyq senim keńesiniń besinshi otyrysy qashan ótkiziletinin aıtyp berdi, dep habarlaıdy Egemen.kz
«Prezıdent tarapynan bastamalar kóterildi. Endigi jumys bizde – sarapshylarda, ár saladaǵy mamandarda. Bul bastamalardy jan-jaqty zerttep, ony shynaıy ári naqty mazmunmen tolyqtyrýymyz kerek», dedi Erlan Qarın elordada ótip jatqan «Prezıdenttik jańa saıası reformalar paketi» atty dóńgelek ústelde.
Onyń aıtýynsha, Prezıdenttiń bul málimdemesi - reformalardyń úshinshi paketi dep atalǵanymen, atalmysh bastamalar shegine taıap qaldy degendi bildirmeıdi.
«Talqylaý jalǵasady. Talqylaý ortalyǵy búgingi tańda Ulttyq qoǵamdyq senim keńesi. Sonyń otyrystarynda naqty usynystar pysyqtalady. Qazirgi ýaqytta Ulttyq qoǵamdyq senim keńesiniń besinshi otyrysyna daıyndyq júrgizilip jatyr. Ol aqpan aıynda ótedi. Besinshi otyrysta jańa bastamalar jarııalanady», dedi ol.