Qazaqstan evolıýsııalyq jolmen júredi

Bul aldaǵy ýaqytta partııalar arasyndaǵy saıası básekeni kúsheıte túseri anyq. Parlamentke óte almaı qalǵan partııalar, bolashaqta qurylýy múmkin saıası uıymdar baryn eskersek, olar úshin bes paıyzdyq meje úlken múmkindikterge jol ashady.

Atalǵan usynystardyń ishinde aýyl ákimderin saılaýdy erekshe yqylaspen atap ótkim keledi. Aýyl halqyna óz ákimin tańdaýǵa jol ashý – ıgi bastama. О́ıtkeni saılanǵan ákim sol eldi mekenniń turǵyndaryna tolyq jaýapkershilik alyp, olardyń aldynda jaýap beretin bolady. Bul jergilikti ákimderdiń qoǵam, halyq aldyndaǵy esep berý mehanızmin odan ári jetildire túspek. Sonymen qatar aldaǵy ýaqytta aýyl ákim­derin saılaý prosesi tıimdiligin kórse­tetin bolsa, bul reforma ózge deńgeı­degi ákimderdi saılaıtyn júıe­ge bir qadam jaqyndata túsedi. Máselen, aýdan ákimderin de saı­laý arqyly tańdaýǵa bolar edi. Baıqaǵanymyzdaı, Qazaqstan saıa­sı reformalardy júzege asyrý ba­ry­synda evolıýsııalyq jolmen sa­byrly ári satyly saıasatty ustanyp otyr.

Odan bólek Memleket basshy­synyń onlaın-petısııa júıesin iske qosý týraly bastamasy da «Ha­lyq únine qulaq asatyn mem­le­ket» tujyrymdamasynyń qaǵı­dat­­taryna tolyq saı ekenin aıta ala­myn. Osylaısha, halyqty tol­ǵan­dyrǵan máseleler aýdandyq, ob­lys­tyq, tipti respýblıkalyq deńgeı­de nazarǵa alynyp, óz sheshimin ta­batyn bolady. Qoǵamda qyzý tal­qy­lanatyn máselelerdi anyqtaý arqyly da halyqtyń kóńil kúıin, ózek­ti taqyryptar men reforma júr­gizý kerek salalardy anyqtaýǵa múm­kindik beredi. Keıbir máselelerdi jergilikti atqarýshy organnyń, mınıs­tr­liktiń, tipti Parlamenttiń deń­geıinde de kóterýge bolar edi.

Memleket basshysy azamattyq qoǵamnyń damýyna qatysty  másele­lerdi de kóterdi. Úkimettiń, bıliktiń qyzmetine qoǵamdyq baqylaýdyń kúsheıýi – Qazaqstannyń saıası jań­ǵyrýǵa bet alǵandyǵynyń aıǵaǵy. Qaıyrymdylyqpen aınalysatyn azamattardy yntalandyrý da ózekti.  Osyndaı usynystardyń zańnamalyq turǵyda bekitilip, iske asyrylýy elimizdegi keı salalardyń qarqyndap damýyna jol ashpaq.

Baýyrjan SERIKBAEV,

Eýrazııalyq ıntegrasııa ınstıtýtynyń sarapshysy