Shymkent qalasynda bıyl naýryz aıynyń sońyna deıin «Nurly jer» memlekettik baǵdarlamasy aıasynda 976 páterdi satyp alý quqyǵynsyz arendalyq negizde kezekte turǵan azamattardyń paıdalanýyna berý josparlanǵan, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.
Sonymen qatar bıylǵy jyly jetim jáne ata-anasynyń qamqorlyǵynsyz qalǵan balalar men kópbalaly otbasylarǵa, halyqtyń áleýmettik jaǵynan álsiz toby men jumys isteıtin jastarǵa 1580 páter úlestiriletin bolady.
Bul týraly qala ákimi Murat Áıtenovke 2020 jyly atqarylǵan jumystar týraly esep bergen qalalyq turǵyn úı basqarmasynyń basshysy Ǵalymjan Tólepov baıandady.
Basqarma basshysynyń aıtýynsha, bıyl sondaı-aq «Nurly jer» memlekettik baǵdarlamasynyń «2-10-20» («Baqytty otbasy») nesıelendirý sharty aıasynda 350 az qamtylǵan otbasylardy turǵynjaımen qamtý josparlanýda. «Shańyraq» pılottyq jobasy boıynsha («5-10-20» nesıelendirý shartynyń) turǵyn úı kezeginde tirkelgen 1728 otbasyny baspanamen qamtamasyz etý kózdelgen. Odan bólek «Nurly jer» memlekettik baǵdarlamasynyń «7-20-25» nesıelendirý sharty aıasynda 108 azamatqa páter berilmek.
Jıyn barysynda atap kórsetilgenindeı «Nurly jer» memlekettik baǵdarlamasy aıasynda Shymkentte respýblıkalyq bıýdjet esebinen 35 kóppáterli turǵyn úıge kúrdeli jóndeý jumystaryn júrgizý josparlanǵan. Atap aıtqanda kópqabatty turǵyn úılerdiń lıft qondyrǵylaryn aýystyrý, kommýnaldyq menshiktegi turǵyn úılerge aǵymdaǵy nemese kúrdeli jóndeý jumystaryn júrgizý qarastyrylǵan.
Jalpy baspana máselesine qatysty týyndaıtyn qosymsha suraqtar boıynsha 8725256-62-90 nemese whatsapp arqyly arnaıy +7 700 674 20 52 nómirlerine habarlasýǵa bolady.