Alǵashqy 50 jýrnalıst oqýdy Asfendııarov atyndaǵy QazUMÝ-de osy jyldyń aqpan aıynda bastaıdy, dep habarlaıdy Egemen.kz
Búgin Almatyda Aqparat jáne qoǵamdyq damý mınıstri Aıda Balaeva S.D. Asfendııarov atyndaǵy Qazaq ulttyq medısınalyq ýnıversıtetinde boldy.
Eske sala keteıik, Aqparat jáne qoǵamdyq damý mınıstrligi QazUMÝ-men qol qoıylǵan salalyq jýrnalıstıkany damytý jónindegi yntymaqtastyq týraly memorandýmdy júzege asyra bastady.
Kezdesýdiń negizgi kún tártibi: 2020-2021 jyldarǵa arnalǵan medıa salanyń mamandaryn daıarlaýdyń Arnaıy josparyn talqylaý.
Kezdesý nátıjesinde 2021 jyly aqpanda ýnıversıtet bazasynda jeke jáne memlekettik BAQ-tyń 50-den astam jýrnalısteri medısına boıynsha joǵary sapaly materıaldarǵa qol jetkizý úshin biliktilik pen bilim deńgeıin kóterý boıynsha jumysty bastaý jóninde ýnıversıtet basshylyǵymen naqty kelisim jasaldy.
Aıda Balaeva salalyq jýrnalıstıkany damytý boıynsha jumystyń mańyzdy kezeńi bastalatyndyǵyna nazar aýdardy.
Sondaı-aq mınıstr oqytý barysynda jattyqtyrýshylar retinde jýrnalıstıka men medısına salasynyń jetekshi mamandary belsendi jumys júrgizýi kerek ekenin basa aıtty.
2021 jyly salalyq jýrnalısterdi oqytý boıynsha keshendi jumys júrgiziletin bolady. Osy jumys sheńberinde belgili bir salada mamandardy daıarlaý bóliginde medıa saladaǵy zamanaýı tendensııalar men buqaralyq aqparat quraldarynyń suranystaryn baqylaý, mýltımedııalyq bilim berý jáne aqparattyq platforma qurý, uzaq merzimdi jáne qysqa merzimdi oqytý kýrstaryn ótkizý boıynsha is-sharalar júrgiziletin bolady.