Fýtzaldan ÝEFA Chempıondar lıgasynyń 1/8 kezeńiniń jerebesi tartyldy, dep habarlaıdy Egemen.kz
Almatynyń «Qaıraty» bul mejede Rýmynııanyń «Iýnaıted Galas» klýbymen kúsh synasady. Al «Aqtóbe» Slovenııanyń «Dobovesimen» saıysqa túsedi. Bul básekeler 16-21 aqpan aralyǵynda ótedi.
Osy synaqtan súrinbeı ótken komandalar aıtýly dop dodasynyń fınaldyq oıyndaryna joldama alady. Sheshýshi syndar 28 sáýir men 3 mamyr aralyǵynda Belarýs eliniń astanasy – Mınskide uıymdastyrylady. 1/8 fınaldyq saıystarynyń ózge juptaryn myna klýbtar qurady:«Inter» (Ispanııa) – «Herson» (Ýkraına);«Olmıssým» (Horvatııa) – KPRF (Reseı);«Benfıka» (Portýgalııa) – «Berettoýıfalý» (Majarstan);«Iýgra» (Reseı) – «Vıtıs» (Lıtva);«Barselona» (Ispanııa) – «Aner-Vılnev» (Fransııa);«Sportıng» (Portýgalııa) – «Hrýdım» (Chehııa).