Janýarlardyń janashyry

Almaty haıýanattar ba­ǵy­nyń arhıvinde saqtalǵan myna bir sýret sonyń dáleli bolsa kerek. Osy mekemedegi qyryq jylǵa jýyq eńbek jolyn tabıǵattyń bir bólshegi – janýarlardy kútip-baptaýǵa arnaǵan Hýsaın Sahıpuly Al­maty haıýanattar baǵyna 1970 jyldardyń basynda kelgen.

Jarty ǵasyr boıy Ertis óze­ninde júzgen «Roza Lıýk-sem­­býrg» jolaýshy kemesi 1966 jyly Almaty zoobaǵyna syı­ǵa tartyldy. Zoobaqtyń damý bóliminiń meńgerýshisi Aqjámı Rahımovanyń bergen qyzyqty málimetterine súıenetin bolsaq, sol keme qaı­ta jaraqtalǵannan keıin sýdaǵy haıýanattar baǵy qyz­metin atqarǵan. Elimiz ǵana emes, Reseıdiń shekaralas qa­la­laryna da baryp, mamyr-qazan aılarynda barys, aıý, qoltyraýyn, maımyl, totyqus sııaqty janýarlardyń 120 túri­men tanystyrý ekskýrsııalary ótip turǵan. Osy ke­medegi kósh­peli zoobaqqa 1970-1974 jyl­dary Hýsaın Sahıp­uly je­tek­shilik etipti. Kóshpeli haıýanat­tar baǵy on jylǵa jýyq ýaqyt shamasynda Ertispen jú­­­zip, kópshilikke qyzmet kórsetken.

Al zoobaqtaǵy myna bir oqıǵada Hýsaın Sahıpulynyń eńbegi eren. 1985 jyly týǵan alanǵa haıýanattar baǵynyń qyzmetkerleri «Alchık» dep at qoıady. Alaıda alan áljýaz bolyp týǵandyqtan, onyń aıaǵynan tik turyp ketetinine eshkim senbegen. О́z isine adal, janýarlarǵa jan-tánimen etene jaqyn Hýsaın Sahıpuly alannyń ońalyp ketýine bar­lyq jaǵdaıdy jasap, qoldan azyqtandyryp, sútpen qo­rek­­­tendirip, kúndiz-túni qada­ǵalap otyrdy. Erekshe qamqor­lyqtyń nátıjesinde tórt aıdan keıin kishkentaı ań kúsh jınap, aıaǵynan nyq turady. Qolǵa da úıretiledi. Osylaı­sha 1985-1987 jyldary túsiril­gen «Tıgr snegov» fılmine Alchık tańdap alynǵan. Bul janýar 1990 jyly BBC túsir­gen «Aspantaýlar» derekti fıl­­miniń de keıipkeri bolǵa­ny belgili.

Janýarlardyń shynaıy janashyry bola bilgen keń júrekti Hýsaın Sahıpuly kóp jyldar boıy Almaty haıýanattar baǵynda veterınarlyq bólimde, odan keıin «Tuıaq­ty­lar», «Jyrtqysh sútqo­rek­tiler», «Jyrtqysh qustar» seksııalarynda eńbek etti. Búginde Hýsaın Sahıpulynyń jarqyn isterin áriptesteri saǵynyshpen eske alady.

Tabıǵatqa qorǵan, janýar­larǵa janashyr osyndaı izgi nıetti adamdardyń ómir joly men ónegeli isteri keıingi ur­paqqa úlgi.

ALMATY