Qurlyqtyq hokkeı lıgasyndaǵy (QHL) kezekti týr oıynyn Máskeýde ótkizgen Nur-Sultannyń «Barysy» jergilikti «Dınamodan» basym tústi.
Bul kezdesýde barlyq másele birinshi kezeńde sheshildi. Matchtyń 16-mınýtynda Djessı Bleker esep ashty. Arada týra úsh mınýt ótkennen keıin dál sol Bleker Pavel Akolzıngke keremet pas berdi. Ol óz múmkindigin qalt jibergen joq. Odan keıin qos komandanyń oıynshylary qansha jantalasqanymen, tablodaǵy esep ózgergen joq. Osylaısha, «Barys» syrtta 2:0 esebimen jeńiske jetip, jarys kestesindegi jaǵdaıyn biraz jaqsartty.