Aýdannyń ekonomıkalyq damý kórsetkishiniń negizi ónerkásip óndirisiniń kólemin arttyrý men negizgi kapıtalǵa ınvestısııany salý bolyp tablady. Pandemııa jaǵdaıyna qaramastan Túrksib aýdany edáýir kórsetkishterge qol jetkizgen.
Aýdan ákimi Baqytjan Aqjarovtyń aıtýynsha, ónerkásip óndirisiniń kólemi ótken jyldyń 12 aıy ishinde 215 mlrd. teńgeni qurady (2019 jyldyń 12 aıynda – 184,4 mlrd. teńge). JKI – 105,7%. Negizgi kapıtaldaǵy ınvestısııanyń kólemi – 81,5 mlrd. teńge nemese 113,2 % (2019 jyldyń 12 aıynda – 68,1 mlrd. teńge). Qurylys jumystarynyń kólemi – 26,5 mlrd. teńge nemese 138 % (2019 jyldyń 12 aıynda – 16,8 mlrd. teńge).
104,1 myń sharshy metrlik turǵyn úı paıdalanýǵa engizildi (2019 jyldyń 12 aıynda – 108,7 myń sharshy metr ). 96 mlrd. teńge salyq jınalyp, ósim qarqyny ótken jylmen salystyrǵanda 101% quraǵan. Salyq jınaý boıynsha jospar 107% oryndaldy.
Bıylǵy jyly 139,1 myń. m2 nemese 42 KTÚ (kóp qabatty turǵyn úı) (1967 páter) paıdalanýǵa engizý josparlanýda, JTQ (jeke turǵyn úı qurylysy) boljamy 30 myń metrge jýyq.
Saýda oryndaryna zamanaýı formatyn engizý aıasynda 9 bazardyń 5-ýine jańartý jumystary júrgizildi («Túrksib» jármeńkesi, «Mehrenısa», «Jetysý Semıreche», «Úmıt», «Bahar»), Kerýen bazaryn jańartý jumystary aıaqtalýda. 2022 jyldyń sońyna deıin Altaı, Sapar, Aqbulaq bazarlaryn jańartý josparlanýda.
Karantın rejımin engizýine baılanysty bıznesti jáne ónerkásipti qoldaý úshin memlekettik keshendik sharalar ázirlendi. Apparat qyzmetkerlerimen apta saıyn kásipkerlerge arnalǵan memlekettik jeńildikpen nesıeleý jáne qarjylyq emes qoldaý baǵdarlamasy boıynsha túsinik berý jáne tanystyrý úshin Kásipkerlik jáne ınvestısııa basqarmasynyń, «Qolday» qoldaý ortalyǵy, «Damý» qory, «Atameken» RPP, «Almaty finance», «Almaty MFO» shaǵyn qarjy uıymynyń ókilderiniń qatysýymen kezdesýler jáne semınarlar uıymdastyrylyp otyrady. О́tken jyly 6,9 mlrd. teńge somasyna 17 jobaǵa qoldaý sharasy kórsetilgen.
ALMATY