Reseıdegi narazylyq

Pýshkın alańyndaǵy kelisil­megen aksııaǵa jınalǵan­dardyń 600-ge jýyǵy ustalǵan. Bul týraly Qoǵamdyq baqy­laý komıssııasy (QBK) habar­laǵan. Kóshege shyqqan jurt tar­qa­ǵannan keıin Tver kóshe­sinde qaýipsizdik sharalary kúsheıtilgen. Narazylyq bil­dirý­shilerdiń quqyq qorǵaý organdarymen qaqtyǵystary Pýshkın alańynda, Strastnyı jáne Svetnoı býlvarlarynda, Trýbnoı alańynda jáne «Matroosskaıa tıshına» tergeý oqshaýlaǵyshynyń janynda ótken. Resmı málimet boıynsha narazy azamattar men quqyq qorǵaý organdary qyzmetkerleriniń arasynda zardap shekkender bar. 

Máskeýden bólek, Reseıdiń ózge qalalarynda da narazylyq bildirýshiler kóshege shyqqan. Quqyq qorǵaýshylar búkil el boıynsha 3068 adamnyń us­talǵanyn habarlaǵan. Al qu­qyq qorǵaý organdarynyń 39 qyz­metkeri Máskeýdegi aksııalarda jaraqat alǵany belgili boldy.

Sondaı-aq kámeletke tol­maǵan balalardyń narazy­lyq aksııasyna shyǵýy qoǵamda daý týǵyzyp otyr. Reseı Fe­de­rasııasy prezıdentiniń janyn­daǵy bala quqyqtary jónin­degi ýákil Anna Kýznesova balalarǵa zańsyz aksııalarda oryn joq bolýǵa tıisti degen pikir bildirdi.

Narazylyq kezinde ustal­­ǵan kámeletke tolmaǵan balalar­dyń barlyǵy ata-analaryna aman-esen tabystalypty. Reseıdiń «Jańalyqtar agenttigi» oryn alǵan jaǵdaıǵa baılanys­­ty kámeletke tolmaǵandardy zań­syz narazylyq aksııalaryna tartqandardy qylmystyq jaýapqa tartý týraly zań jobasy paıda bolǵanyn jazdy. Depýtattar men qoǵam belsendileri «Tık Tok» áleýmettik jelisinde káme­letke tolmaǵandardy kóshe­ge shyǵýǵa shaqyrǵan habar­lardyń taraǵanyn aıtady. Zańdy qataıtý bastamasyn Reseıdiń Tergeý komıteti men Joǵarǵy soty qoldaǵanymen, Úkimeti oǵan qarsy bolǵan. Soǵan qaramastan, aksııalarǵa jasóspirimderdiń qatysý taqy­ryby mańyzdy sıpat alyp, qoǵamda qyzý talqyǵa ulasty. Al eldegi epıdemııalyq jaǵdaı máz emes. Bir táýlikte indet juqtyrǵandar sany 21 127 adamǵa artqan.