Qaraǵandy oblystyq jastar saıasaty jónindegi basqarmanyń basshysy bolyp Birjan Álimjanov taǵaıyndaldy, dep habarlaıdy Egemen.kz oblys ákiminiń baspasóz qyzmetine silteme jasap.
Birjan Nurjanuly Álimjanov Almaty oblysynyń Petropavlovka aýylynda dúnıege kelgen. Akademık E.A.Bóketov atyndaǵy Qaraǵandy memlekettik ýnıversıtetiniń túlegi. «Baǵalaýshy» mamandyǵy boıynsha qyzmet kórsetý salasynyń bakalavry, memlekettik jáne jergilikti basqarý magıstri. Sondaı-aq ol Praga qalasyndaǵy joǵary ekonomıka mektebinde halyqaralyq taǵylymdamadan ótken.
Qaraǵandy qalalyq máslıhatynyń V jáne VI shaqyrylymdarynyń depýtaty, «Nur Otan» partııasynyń múshesi.
Eńbek jolyn 2010 jyly «Qaraǵandy oblysynyń jastar odaǵy» QB-nyń tóraǵasy bolyp bastaǵan. Jastar isi jónindegi ortalyqtyń jetekshi mamany jáne dırektory qyzmetin atqardy. 2016 jyly Nur-Sultan qalasynyń til saıasatynyń saraptama jáne monıtorıng basqarmasynyń sarapshysy bolǵan. Sol jyly Kásibı sheberlik jáne WorldSkills qozǵalysyn damytý jónindegi basqarmada menedjer, sonan soń bas menedjer bolyp eńbek etti.
2018 jyly Bilimdi qarjylandyrý memlekettik júıesin damytý jáne stýdenttik jataqhanalar operatorlyǵy jónindegi basqarma dırektorynyń orynbasary boldy. Odan keıin «Qarjy ortalyǵy» AQ-nyń Stýdenttik jataqhanalar operatorlyǵy jónindegi departamentiniń dırektory laýazymyna taǵaıyndalyp, búgingi kúnge deıin osy qyzmetti atqaryp keldi.