Búgin Úkimettiń keńeıtilgen otyrysynda Memleket basshysy Qasym-Jomart Toqaev elimizdegi baılanys pen ınternet sapasynyń nashar ekenin aıtyp, synǵa aldy, dep habarlaıdy Egemen.kz
«Taǵy bir másele – ınternet jyldamdyǵynyń tómendigi. Baılanys operatorlary tarapynan tarıftik josparlar únemi jańartylyp otyrady. Al ınternet jyldamdyǵy men sapasy resmı málimdemeden nashar. Úkimetke osy salada tutynýshylardyń quqyqtaryn qorǵaý jáne naqtyly parametrlerdiń málimdelgenderden aıtarlyqtaı alshaqtyǵy úshin jaýapkershilikti engizý máselesin pysyqtaýdy tapsyramyn», dedi Prezıdent.