«Túrkistan – adaldyq alańy» jobalyq keńsesiniń menedjerleri men «Jol aktıvteri ulttyq sapa ortalyǵynyń» óńirlik fılıaly ınjenerleri turǵyndardyń aryz-shaǵymy negizinde zerdeleý jumystaryn júrgizgen.
Nátıjesinde 114 buzýshylyq deregi, sonyń ishinde óndiristik-tehnıkalyq qujattamanyń júrgizilmegendigi, asfalt-beton jamylǵysyndaǵy tegissizdikter men syzattardyń bolýy, synýlar men yǵysýlardyń oryn alýy, jol jıekteriniń buzylǵandyǵy jáne synamalar bekitilgen talapqa sáıkes kelmeıtindigi anyqtalǵan. Bul jóninde Sybaılas jemqorlyqqa qarsy is-qımyl agenttiginiń Túrkistan oblysy boıynsha Departamenti basshysynyń birinshi orynbasary Mıras Qarǵabaı «Sapaly jol - Adaldyq alańy» jobasy aıasynda 2020 jyly atqarylǵan jumystar boıynsha ótkizilgen baspasóz máslıhatynda málim etti.
Kemshilikterdi joıý boıynsha keltirilgen usynystardyń negizinde tıisti jumystar atqarylyp, búginde 114 buzýshylyqtyń 97-si (86%) qalpyna keltirilgen. Budan bólek, jyljymaly zerthanalyq kóligi arqyly kúre joldardan alynǵan synamalar barysynda anyqtalǵan kemshilikterdi joıý boıynsha merdiger mekeme basshylaryna akt túzilip, jańadan salynǵan sapasyz joldardy qaıta qalpyna keltirý boıynsha jaýapty qala, aýdan ákimderine naqty usynystar joldanǵan.
«Sapaly jol – adaldyq alańy» jobasy sheńberinde ótken jyly Departamentpen 78 nysanǵa júrgizilgen zerdeleý jumystarynyń nátıjesinde, jalpy quny 12 886,2 mln teńge bolatyn bıýdjet qarjysynyń tıimdi jumsalýy baqylaýda bolǵan.
Túrkistan oblysy