29 qańtarda Qazaqstan Respýblıkasy Mádenıet jáne sport mınıstrliginiń «Bozoq» memlekettik tarıhı-mádenı qoryq-mýzeıinde belgili arheolog ál-Farabı atyndaǵy QazUÝ-dyń «Arheologııa jáne dala órkenıetteri» ǵylymı-zertteý ınstıtýtynyń dırektory, tarıh ǵylymynyń doktory Vıktor Zaıberttiń «Botaı» (ekinshi bólim) kitabynyń tusaýkeseri ótedi, dep habarlaıdy Egemen.kz.
Bul kitapty ázirleýge Botaı keshendi ekspedısııasynyń ǵalym-mamandary qatysty.
«Bozoq» qoryq-mýzeıi elimizdiń tarıhı-mádenı murasyn zertteý, saqtaý jáne kópshilikke tanytý maqsatynda elimizdiń jetekshi ǵalymdarymen, arheologtarymen belsendi yntymaqtastyq ornatyp keledi.
Botaı - Eýrazııanyń alǵashqy jylqy ósirýshileriniń álemde teńdesi joq qonysy. Bul mádenıet b.ǵ.d.V-IV ǵasyrlar aralyǵyn qamtıdy. Zertteý nətıjesinde Qazaqstan jer sharynda janýarlardy, eń aldymen jylqy men sıyrdy qolǵa úıretýdiń negizgi ortalyǵynyń biri ekeni anyqtalǵan.
Botaı qonysyna zertteýlerdi 1980 jyldan bastap professor Vıktor Zaıberttiń basshylyǵymen Soltústik Qazaqstan ýnıversıtetiniń ǵylymı ekspedısııasy júrgizip keledi. Botaı arheologııalyq eskertkishi IýNESKO qorǵaýynda.
Is-sharaǵa Mádenıet jáne sport mınıstrliginiń ókilderi, belgili ǵalymdar, arheologtar men etnologtar, joǵary oqý ornynyń oqytýshylary qatysady.
Tusaýkeser kezinde zalda koronavırýs pandemııasyna baılanysty barlyq qaýipsizdik sharasy saqtalady. Sonymen qatar ZOOM ınternet-platformasy arqyly is-sharaǵa onlaın-qatysýǵa bolady.