Ekijaqty yntymaqtastyq máselelerin talqylaý maqsatynda Qazaqstan elshisi Tólejan Barlybaevtyń Horvatııanyń Syrtqy jáne eýropalyq ister mınıstri Gordan Grlıch Radmanmen kezdesýi ótti, dep habarlaıdy Egemen.kz.
Kezdesý barysynda elshi syrtqy saıası vedomstvosynyń basshysyn Qazaqstandaǵy jyl basyndaǵy saıası oqıǵalar – parlamenttik saılaýdyń qorytyndylary, QR Úkimetiniń jańa quramynyń bekitilýi jáne Prezıdent Qasym-Jomart Toqaevtyń onyń músheleri aldyna qoıǵan mindetteri týraly habardar etti.
2021 jylǵy 15-16 sáýirde ótkizýge josparlanǵan Saýda-ekonomıkalyq yntymaqtastyq jónindegi Qazaqstan-Horvatııa úkimetaralyq komıssııasynyń (ÚAK) I-shi otyrysyna daıyndyq barysy qarastyryldy. 2020 jyldyń qorytyndysy boıynsha eki el arasyndaǵy syrtqy saýda aınalymy úsh ese astam ósip, 330 mln AQSh dollarynan asqany atap ótildi.
T. Barlybaev Memleket basshysynyń QR Úkimetiniń aldyna qoıǵan jańa mindetteri aıasynda ınvestısııalar, aýyl sharýashylyǵy jáne azyq-túlik qaýipsizdigin qamtamasyz etý, qoljetimdi turǵyn úı qurylysy, densaýlyq saqtaý jáne bilim berý salalaryndaǵy yntymaqtastyqty damytý mańyzdy mánge ıe ekenin atap ótti.
Kezdesý qorytyndysy boyınsha ÚAK otyrysynyń kún tártibin sapaly toltyrý, sondaı-aq týrızm jáne aýyl sharýashylyǵy salasyndaǵy yntymaqtastyq týraly birqatar qujatqa qol qoıý týraly ýaǵdalastyqqa qol jetkizildi.