Atameken Business telearnasynyń tikeleı efırinde qalalyq Sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın kınoteatrlardyń jumysyna qoıylǵan talaptardy túsindirdi, dep habarlaıdy Egemen.kz
Jýrnalıster kınoteatrlarǵa onsyz da az keletin adamdar qaladaǵy epıdemıologııalyq ahýalǵa qalaı yqpal etetinin surady.
«Bizde QR bas memlekettik sanıtarlyq dárigeriniń qaýlysy bar. Ol qaýlyda belgili bir óńirlerdiń «qyzyl» nemese «jasyl» aımaqqa kirgenine baılanysty shekteý sharalary taǵaıyndalǵan. Onyń barlyǵy reglamenttelgen. Bul jaǵdaıda «qyzyl» aımaqtaǵy óńirlerde ornalasqan kınoteatrlar men teatrlardyń jumysyna shekteý qoıylady», dedi Jandarbek Bekshın.
Aıta keteıik, Almaty qalasynyń «qyzyl» aımaqqa enýine baılanysty qalalyq Sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın jańa qaýly qabyldaǵan bolatyn.
Qaýlyǵa sáıkes saýda, oıyn-saýyq ortalyqtary men bazarlar senbi-jeksenbi kúni jumys istemeıdi. Al kınoteatrlar men teatrlardyń jumysy ýaqytsha toqtatyldy.
Sonymen qatar, jańa qaýlyǵa sáıkes endi koronavırýs juqtyrǵan adamdar aýrýhanaǵa jatyp emdeledi.