Jambyl oblysynyń ákimi Berdibek Saparbaevtiń tóraǵalyǵymen ótken koronavırýs ınfeksııasyna qarsy is-qımyl jónindegi jedel shtab otyrysynda oblystaǵy epıdemııalyq jaǵdaı, sondaı-aq vaksınasııa máseleleri saralandy, dep habarlaıdy Egemen.kz
Densaýlyq saqtaý basqarmasynyń basshysy Áset Qalıevtiń aıtýynsha, Jambyl oblysynda koronavırýstyń táýliktik ósimi 0,4 paıyzdy quraıdy.
«Búgingi tańda ınfeksııalyq stasıonardaǵy 1200 tósektiń 460-y júktelgen, 45 naýqas reanımasııada em alýda. Karantındik stasıonarda 18 adam, úı karantıninde 1741 adam jatyr», dedi basqarma basshysy.
Ol sonymen qatar sońǵy aptada oblysta koronavırýstyń 152 jaǵdaıy tirkelgenin aıtty. Ásirese, Taraz, Shý, Jambyl jáne Baızaq aýdandarynda jaǵdaı shıelenise túsken.
«Sońǵy eki aptada koronavırýs belgilerimen baılanysty jedel járdemdi shaqyrtýlar sany 491-den 599-ǵa deıin ósse, pnevmonııamen, kerisinshe, 87-den 48-ge deıin azaıdy», dep atap ótti Á.Qalıev.
Sondaı-aq basqarma basshysy elimizde koronavırýs boıynsha jaǵdaıdyń nasharlaýyna baılanysty óńirimizde ınfeksııalyq stasıonarlyq eki myń tósekten turatyn rezerv daıyndalýda, onyń 200-i reanımasııalyq ekenin tilge tıek etti.
«О́ńirdiń barlyq medısınalyq uıymdary jalpy somasy jeti mıllıard teńgege dári-dármektermen jáne medısınalyq buıymdarmen qamtamasyz etilgen. Onyń 1,2 mıllıard teńgesi koronavırýspen kúreske qajetti preparattarǵa jumsaldy. Tapshylyq joq», dep atap ótti Áset Qalıev.
Oblystyń bas memlekettik sanıtarlyq dárigeriniń mindetin atqarýshy Saltanat Álibaevanyń aıtýynsha, jyl basynan beri 78 oqýshy, 45 muǵalim jáne bir stýdent koronavırýs juqtyrǵan. Olardyń barlyǵy dárigerlerdiń baqylaýynda, baılanysta bolǵan adamdarmen qajetti jumystar júrgizildi. Sonymen qatar, aǵymdaǵy jyly 22 dárigerden COVID-19 anyqtalypty.
«Bizdiń óńir ázirge «jasyl« aımaqta tur, alaıda eldegi jáne oblystaǵy jaǵdaı shıelenise túsýde, qyraǵylyqty joǵaltýǵa bolmaıdy», deıdi S.Álibaeva.