Qazaqstan Respýblıkasy Parlamenti Májilisiniń Syrtqy ister, qorǵanys jáne qaýipsizdik komıtetiniń tóraǵasy Aıgúl Quspan Eýropa parlamentiniń depýtaty, «Qazaqstan - Eýropalyq Odaq» dostyq tobynyń tóraǵasy R. Charneskııge QR Prezıdenti Qasym-Jomart Toqaevtyń Jarlyǵyna sáıkes marapattalǵan II dárejeli «Dostyq» ordenin tabys etti, dep habarlaıdy Egemen.kz.
A.Quspan joǵary nagrada eýropalyq saıasatkerge onyń Qazaqstan Parlamenti men Eýropalyq Parlament arasyndaǵy tıimdi ózara is-qımyldy jolǵa qoıýǵa qosqan qomaqty úlesin moıyndaý belgisi retinde berilgenin habarlady. Onyń parlamentaralyq yntymaqtastyqty údemeli damytýdyń jańa qýatty ózegi bolǵan dostyq tobyn qurý jónindegi kúsh-jigeri atap ótildi.
О́z kezeginde, eýrodepýtat Qazaqstan men Eýropalyq Odaq arasyndaǵy dostyq qarym-qatynastardy ilgeriletý jónindegi kúsh-jigerin osyndaı baǵalaǵany úshin alǵysyn bildirip, olardy jan-jaqty nyǵaıtý úshin odan ári jumys isteýge nıetti ekenin aıtty.