Búgin Qazaqstan Respýblıkasynyń Memlekettik hatshysy Qyrymbek Kósherbaev Memleket basshysynyń tapsyrmasy boıynsha Almatyda belgili mádenıet jáne óner qaıratkerlerine Qazaqstan Respýblıkasynyń Tuńǵysh Prezıdenti – Elbasynyń 2020 jylǵy mádenıet salasyndaǵy memlekettik stıpendııasyn tabystady, dep habarlaıdy Egemen.kz.
Saltanatty jıyn barysynda Qyrymbek Kósherbaev bıyl 85 jasqa tolǵan teatr jáne kıno tarlany, Qazaqstannyń halyq artısi, Memlekettik syılyqtyń laýreaty Sábıt Orazbaevty Prezıdenttiń 25 qańtardaǵy Jarlyǵymen taǵaıyndalǵan I dárejeli «Barys» ordenimen marapattady.
Osydan keıin Memlekettik hatshy ótken jyldyń sońynda kaskaderler arasynda «Oskar» syılyǵyna para-par Əlem kaskaderleri akademııasynyń «Taýrýs» júldesin jeńip alǵan Nomad Stunts kəsibı kaskaderler tobynnyń negizin qalaýshy, jetekshisi Jaıdarbek Kúnǵojınovty quttyqtap, jumysyna sáttilik tiledi.
Al Aqtoty Raıymqulova Jaıdarbek Kúnǵojınovty «Mádenıet salasynyń úzdigi» vedomstvolyq medalimen marapattady.
Aıta keteıik, Nomad Stunts halyqaralyq kaskaderler toby bul júldeni rejısser Aqan Sataevtyń «Tomırıs» tarıhı dramasyndaǵy kaskaderlerlik ədister úshin ıelengen.