Budan buryn Qyzylqoǵa aýdanynyń Saǵyz aýylynda turatyn 4 balaly áıeldiń jańa týǵan nárestesin qoqys jáshigine tastaǵanyn habarlaǵan edik. Oblystyq densaýlyq saqtaý basqarmasy basshysynyń orynbasary Aıgúl Qudamanovanyń aıtýynsha, onyń júktiligin dárigerlerden jasyryp kelgeni anyqtalyp otyr.
«Jańa týǵan sábıin qoqys jáshigine tastaǵan áıel júktiligine baılanysty dárigerlik esepke turmaǵan. Júkti áıel jedel járdem stansasyna qan ketip, jaǵdaı qıyndaǵan soń ǵana habarlasqan. Medısına qyzmetkerleri alǵashqy kómek kórsetý kezinde 35 jastaǵy kelinshektiń bosanǵanyn anyqtady. Alaıda, áıel bastapqyda bosanǵanyn moıyndamaı, túsikten keıingi qan ketý dep jaltarǵan. О́ıtkeni, onyń júktiligine baılanysty ambýlatorııalyq esepke turmaǵany anyqtaldy. Ol júktiligin dárigerlerge aıtpaı, jasyryp kelgen» deıdi Aıgúl Qudamanova.
Oblystyq densaýlyq saqtaý basqarmasy baspasóz qyzmetiniń málimetinshe, Qyzylqoǵa aýdanynda 1 emhana, 8 dárigerlik ambýlatorııa, 1 feldsherlik ambýlatorııalyq pýnkt jumys isteıdi. Aýdanda akýsher-gınekolog dárigerlerdiń tapshylyǵy joq. Qazir atalǵan aýdanda 434 júkti áıel dárigerlik esepte tur. Jyl basynan beri 44 sábı jaryq dúnıe esigin ashqan.