Shymkent qalasy Qarataý aýdanynyń ákimi Abzal Áliqulov 2020 jyly atqarǵan jumystar týraly onlaın formatta esep berdi. Aýdan ákiminiń aıtýynsha, byltyr turǵyndardy ınfraqurylym júıelerimen qamtýda birqatar jumys atqaryldy, dep habarlaıdy Egemen.kz
Aýdan boıynsha 36 324 turǵyn úı (77 %) táýlik boıy sapaly aýyz sýmen qamtylsa, 5 937 turǵyn úı (12,6 %) keste boıynsha, 4 941 úı (10,4 %) tasymaldy sýmen qamtylǵan.
2020 jyly Kómeshbulaq sý jınaqtaýyshysynan Turan shaǵynaýdany aınalma jolyna deıingi uzyndyǵy 4,48 shaqyrym sýaqqy qurylysy, Tassaı turǵyn alaby (111,58 shaqyrym), Turan (120,6 shaqyrym), Dostyq (116,5 shaqyrym), Asar-2 shaǵynaýdany (156,1 shaqyrym), Dostyq turǵyn alabyndaǵy (34,2 shaqyrym) ishki oramdyq júıeleriniń qurylys jumystary júrgizildi.
Aýdan aýmaǵynda aýyz sýmen qamtýdy qajet etetin 6 eldi meken bar. Olar – Asar-2 shaǵynaýdany (2 kezek), Bozaryq saıajaıy, Qaınarbulaq, Isfıdjab, Saıram, Qyzylsý turǵyn alaptarynyń Jańaqurylys aýmaqtary. Atalǵan eldimekender «Shymkent qalasyn damytýdyń 2020-2023 jyldarǵa arnalǵan is-shara josparyna» engizildi.
Aýdanda 37 169 turǵyn úı (78,8%) qalalyq energetıka jáne kommýnaldyq sharýashylyq basqarmasy men «Ońtústik Jaryq Tranzıt» mekemesiniń balansyndaǵy, 10 033 úı (21,2%) jeke menshiktegi elektr transformatorlary arqyly elektr jaryǵyn paıdalanyp jatyr. 2020 jyly jalpy quny 270 mln teńge 39,3 shaqyrym jańa elektr jelisin tartý, 9 transformator ornatý jumystary atqaryldy. Qazirgi tańda 1 695 turǵyn úıdi sapaly elektr jaryǵymen qamtý maqsatynda abonentteý jumystary júrgizilýde.
Sonymen qatar Asar-2 (2 kezek), Bozaryq-2 shaǵynaýdany, Dostyq turǵyn alaptaryn sapaly elektr jaryǵymen qamtý maqsatynda JSQ ázirlengen. Qaınarbulaq turǵyn alabyn sapaly elektr jaryǵymen qamtý boıynsha «Bereke» mekemesi tarapynan ázirlengen jobaǵa saraptama qorytyndysy alynyp, 2021 jyldyń bıýdjetine usynyldy. Qurylys jumystary 2021 jylǵa josparlandy.
Sondaı-aq aýdanda 34 833 úı (73,7 %) tabıǵı gazben qamtylǵan, qamtylmaǵany – 12 369 úı (26,2%). О́tken jyly tabıǵı gazben jabdyqtaý boıynsha magıstraldy jáne ishki oramdyq júıelerdiń (Dostyq, Asar-2 shaǵynaýdany) qurylys jumystary oryndaldy.