Qala ákiminiń tapsyrmasyna sáıkes monıtorıngtik toptardyń jumysy kúsheıtilýine baılanysty qańtar aıynda 394 tekserý jumystary júrgizildi, dep habarlaıdy Egemen.kz
Bul baǵytqa 3061 nysan qamtylsa, olardyń ishinde 224-inde ( 7,3%) karantın sharalary buzylǵan. Tekserim nátıjesine oraı QR ÁqbK-niń 425-babyna sáıkes sharalar saqtamaǵany úshin 171 hattama toltyrylsa, onyń ishinde zańdy tulǵalarǵa 14 643 340 teńgege 44 hattama toltyrylǵan. Aljeke tulǵalarǵa betperde taǵý rejımin buzǵany úshin 127 hattama toltyrylyp, 5 600 640 teńgege aıyppul salynǵan.
Mamandandyrylǵan aýdanaralyq ákimshilik sotyna (MAÁS) zańdy tulǵalarǵa qatysty 462 baptyń 1 tarmaǵyna sáıkes «tekserýge kedergi keltirgeni» jáne 462 baptyń 3 tarmaǵyna sáıkes «kemshilikti joıý týraly nusqaýlyqty oryndamaǵany» týraly 20 materıal berildi. Olar mynalar:
Alataý aýdany boıynsha 3 materıal («Jaqsylyq» kafesi, «Shashlyk ortalyǵy» kafesi, «Shamo» JShS bılıard klýby);
Almaly aýdany boıynsha 4 materıal («Fınık» meıramhanasy, «Fizika» túngi klýby, «Boohouse» kafesi, «Pırat» kafesi);
Áýezov aýdany boıynsha 1 materıal («Ryba moeı mechty» karaoke-bary);
Bostandyq aýdany boıynsha 1 materıal («Sunset» meıramhanasy «Master Fýd Kazahstan» JShS);
Jetisý aýdany boıynsha 1 materıal (Nııazov J.A. kompıýterlik klýb - 5 AEK aıyppul salynyp, jumysy 3 aıǵa toqtatyldy);
Medeý aýdany boıynsha 5 materıal («Vıktorııa» bıngo-klýby, «Orda game center» JShS kompıýterlik klýby, «Manana» meıramhanasy, «Pýgasov» meıramhanasy, «Barmaglot» bary);
Naýryzbaı aýdany boıynsha 2 materıal («Premera» kafesi - 100 AEK aıyppul salynyp, jumysy 1 aıǵa toqtatyldy), «Taýjoly» kafesi - 100 AEK aıyppul salynyp, jumysy 1 aıǵa toqtatyldy);
Túrksib aýdany boıynsha 3 materıal («Qazaqstan taekvon-do federasııasy» qoǵamdyq birlestigi, «BekAr» oıyn klýby, «Erbil» meıramhanalyq-qonaq úı kesheni).
Sot arqyly jabylǵan karantındik tártipti jıi buzatyndar túrli aıla-tásilderdi qoldanyp, jumystaryn jalǵastyrýǵa tyrysýda. Atap aıtqanda, beıinderdiń, JK-diń, JShS meıramhanalary men túngi klýbtardyń ataýlaryn ózgertýde. Mundaı óreskel tásilderge «NEBO», «BLA-BLA»meıramhanalary barýda. Olar mekemelerin basqa adamdardyń attaryna aýdaryp, qaıta tirkelgennen keıin jumystaryn jalǵastyrýda. Sonyń saldarynan karantın rejimin buzǵan nysandarǵa sý men elektr qýatyn berýdi toqtatý boıynsha sharalar qabyldanatyn bolady.
25 qańtardan 30 qańtar aralyǵynda 89 monıtorıng jasalyp, oǵan 756 nysan qamtylsa, 71 (9,4%) nysannyń karantındik sharalardy buzǵany anyqtaldy.