2018 jyly Aqtaý qalasyndaǵy Nazarbaev zııatkerlik mektebin támamdaǵan Túpqaraǵan aýdany Taýshyq aýylynyń týmasy Asqarbaı Qyzylǵulov búginde Eýropanyń úzdik joǵary oqý oryndarynyń biri – Debresen ýnıversıtetiniń Azamattyq avıasııa fakýltetinde bilim alýda.
Asqarbaıdyń ákesi munaı mekemesinde júrgizýshi bolsa, anasy – aýyl mektebinde tájirıbeli matematıka muǵalimi.
– Bolashaqta ushqysh bolýdy armandap, aldyma úlken maqsat qoıdym. Búginde Eýropanyń úzdik oqý ornynda bilim alyp júrmin. Munda asa qatty ózgeshelik joq jáne ýnıversıtet maǵan qatty unaıdy, – deıdi Asqarbaı Qyzylǵulov.
Debresen ýnıversıteti – Vengrııadaǵy eń kóne joǵary oqý oryndarynyń biri. Kóne bolsa da stýdentterge teorııa men tájirıbeni ushtastyryp bilim beretindigimen tanymal. Ushqysh mamandyǵyn 3,5 jyl ǵana oqytady. Asqarbaı oqýyn sátti támamdaǵan soń, otandyq áýe kompanııalarynyń birinde jumys istegisi keledi.
Alysta bilim alyp júrgen aýyl balasynyń maqsaty bıik.
Mańǵystaý oblysy