BAÁ bıligi tıisti zańǵa sheteldikterdiń keıbir kategorııalaryna el azamattyǵyn alýǵa múmkindik beretin túzetýler qabyldady, dep habarlaıdy Egemen.kz
El azamattyǵyn ınvestorlar, ónertapqyshtar, dárigerler, ǵalymdar jáne sýretshiler, sondaı-aq olardyń otbasylarynyń músheleri ala alady. Árbir kategorııa úshin óz erejeleri bar, ótinishterin jergilikti atqarýshy bılik basqarmalary, sondaı-aq úkimet qarastyrady.
Investorlar azamattyq alý úshin BAÁ aýmaǵynda jyljymaıtyn múlik nemese eldiń ekonomıka mınıstrligi maquldaǵan patent ıesi bolýy shart. Dárigerler men ınjenerler memleket qajet etetin biregeı ǵylymı salalarda jumys isteýi, sondaı-aq jumys tájirıbesi 10 jyldan kem bolmaýy tıis. Bul másele sonymen qatar belsendi ǵylymı qyzmetpen aınalysyp, bedeldi nagradalary bolýy tıis ǵalymdarǵa da qatysty.
«Jańa qaýly bizdiń damýymyzǵa septigin tıgizetin talantty adamdardy tartýǵa baǵyttaldy», dedi BAÁ premer-mınıstri, sheıh Mohammed ıbn Ráshıd Ál Maqtým.