Birikken kúres áleminiń Atqarýshy komıteti (UWW) jasóspirimder arasyndaǵy álem chempıonaty Ýfada ótetinin málimdedi dep jazady Olympic.kz.
Dúısenbide ótken otyrystan soń UWW bıýrosy kúres túrlerinen 2021 jylǵy álem birinshiligi Bashqurtstannyń (Reseı) Ýfa qalasynda ótedi dep sheshti. Týrnır 16-22 tamyz aralyǵynda ótedi dep josparlanýda.
UWW músheleri 2019 jyly Nur-Sultanda ótken kúres túrlerinen álem chempıonatynda Ýfa qalasynyń kandıdatýrasyn qoldaǵan bolatyn. Týrnırdi ótkizýge Sofııa jáne Belgrad qalalary da ótinim berdi. Jasóspirimder arasyndaǵy doda Reseıde alǵash ret ótkeli tur.