Almaty ortalyǵyndaǵy birneneshe kommersııalyq nysan buzyldy. Bul týraly qala qurylysyn baqylaý basqarmasy málim etti, dep habarlaıdy Egemen.kz
Sot sheshimimen Qarasaı batyr men Áıtıev kóshesiniń qıylysynda ornalasqan kólik jýý orny men birqatar kommersııalyq nysan súrildi.
«Tekserý kezinde nysan zańsyz salynǵany anyqtaldy. Biz birden sotqa talap-aryz berdik. Almaty qalalyq sotynyń sheshimi boıynsha talap aryzdar tolyǵymen qanaǵattandyryldy», dep habarlady basqarmadan.
Basqarma málimetinshe, nysandy paıdalanýǵa qabyldaý aktisin sot jaramsyz dep tanyp, onyń Almaty qalalyq Ádilet departamentindegi tirkeýiniń kúshin joıǵan. Qańtar aıynda sot oryndaýshylarymen birge nysandy buzý bastalyp, búginde jumys tolyǵymen aıaqtaldy.