«QazAvtoJol» UK» AQ 2021 jylǵy 4-8 aqpan aralyǵynda aýa-raıynyń qolaısyz jaǵdaılaryna, atap ótkende, qalyń qar, burqasyn, qar aralas jańbyr men kók taıǵaqqa baılanysty jáne tótenshe jaǵdaıdyń aldyn-alý maqsatynda alys saparǵa shyǵýdan bas tartýǵa keńes berdi, dep habarlaıdy Egemen.kz.
«Jolǵa shyqqan jaǵdaıda, qaýipsiz marshrýtty tańdaý, jol erejelerin saqtaý, qaýipsiz ara qashyqtyq pen jyldamdyqty ustaný qajettiligi týraly eskertemiz. Shuǵyl toqtaý jáne manevr jasaý kezinde abaı bolyńyzdar. Avtojolǵa tek qysqy dóńgelektermen shyǵýǵa keńes beremiz», delingen habarlamada.
Kez-kelgen kúrdeli jaǵdaıda «QazAvtoJol» UK» AQ-nyń 1403 nómirindegi baılanys ortalyǵyna nemese 102, 112 nómirindegi tótenshe qyzmetke habarlasýǵa bolady.