10 aqpanda Slovenııanyń Poklıýka qalasynda bıatlonnan álem chempıonatynyń jalaýy jelbireıdi, dep habarlaıdy Egemen.kz
Áý basta bul jarys Reseıdiń Túmen qalasynda ótedi dep josparlanǵan. Alaıda dopıng daýy týyndaǵannan keıin Halyqaralyq bıatlon federasııasy aıtýly dodany Slovenııada uıymdastyrýdy jón kórdi. Poklıýkaǵy jarystyń tolyq kestesi mynadaı:
10 aqpan – aralas estafeta, 12 aqpan – 10 shaqyrymdyq sprınt (erler), 13 aqpan –7,5 shaqyrymdyq sprınt (áıelder), 14 aqpan - 12,5 shaqyrymdyq iz kesý jarysy (erler), 14 aqpan – 10 shaqyrymdyq iz kesý jarysy (áıelder), 16 aqpan – 15 shaqyrymdyq jekeleı syn (áıelder), 17 aqpan – 20 shaqyrymdyq jekeleı syn (erler),18 aqpan – aralas estafeta (sýpermıkst), 20 aqpan – estafeta (áıelder men erler), 21 aqpan – 12,5 shaqyrymdyq mass-start (áıelder) jáne 21 aqpan – 15 shaqyrymdyq mass-start (erler).
Esterińizge sala keteıik, byltyrǵy jyly álem chempıonaty Italııanyń Anthols-Anterselva qalasynda ótken edi. Sol jarystyń jalpy komandalyq esebinde Norvegııa quramasy kósh bastady. Olar 11 (6 altyn+3 kúmis+2 qola) júldegege ıelik etti. Ekinshi jáne úshinshi oryndarda – Fransııa (3+2+3) men Italııa (2+2+0).