Bul kúnderi Aýstralııanyń Melbýrn qalasynda tennısten asa iri halyqaralyq týrnır ótip jatyr.
О́kinishke qaraı, Mıhaıl Kýkýshkın úshinshi kezeńge shyǵa almady. Tusaýkeser kezdesýinde argentınalyq Hýan-Ignasıo Londerodan basym túsken jerlesimiz kelesi aınalymda Sten Vavrınkamen kúsh synasty. 35 jastaǵy Shveısarııanyń ókili qazirgi kezde ATR reıtınginde 18 oryndy ıelenýde. Kezinde ol AQSh pen Aýstralııanyń ashyq birinshiliginde jáne Rolan Garrosta top jarǵan. ATR týrnırlerinde 16 márte bas júldeni oljalaǵan. Osy tabystarynyń arqasynda úzdikter tiziminde úshinshi satyǵa deıin kóterildi. Árıne, qazaqstandyq tennısshi ondaı tabystarymen maqtana almaıdy. Aıtqandaı-aq, 1 saǵat 58 mınýtke sozylǵan bul tartys 4:6, 6:3, 6:1 esebimen Vavrınkanyń paıdasyna sheshildi.
Sondaı-aq jasyl qurlyqta ótip jatqan dúbirli dodada Aleksandr Býblık, Elena Rybakına jáne Iýlııa Pýtınseva syndy otandastarymyz baq synaýda.