Qazaqstandyq tennısshiler Aleksandr Býblık pen Iýlııa Pýtınseva úshin Aýstralııanyń Melbýrn qalasynda ótip jatqan halyqaralyq týrnır sátti bastaldy.
Aleksandr Býblık tusaýkeser kezdesýinde kort qojaıyny Krıstofer O'Konnelmen kúsh synasyp, asa shıelenisti ótken básekede 7:6, 6:7, 6:4 esebimen jeńiske jetti. Endi ol ıtalııalyq Stefano Travalıamen sheberlik baıqasady.
Iýlııa Pýtınseva alǵashqy aınalymda ıspanııalyq Heorhına Garsııa Pereske qarsy oınady. Bul tartys 7:6, 6:4 esebimen jerlesimizdiń paıdasyna sheshildi. Desek te Pýtınsevanyń kelesi qarsylasy tym azýly. Kezinde álemdik reıtıngte kósh bastaǵan Vıktorııa Azarenko Aýstralııanyń ashyq birinshiligin eki ret utyp, úsh márte US open týrnıriniń fınalynda oınaǵan. Ýımbldon men Rolan Garrosta eki ret jartylaı fınalǵa deıin jetti. Belarýs eliniń ókili qazirgi kezde WTA reıtınginde 13 oryndy ıelenýde.
Al búgin Elena Rybakına kortta chehııalyq Barbora Kreıchıkovamen aıqasady.