Elimizde janarmaıdyń baǵasy lıtrine 170 teńgeni quraıdy. Bul kórshi — Túrkmenstan, Qyrǵyzstan, Reseı jáne О́zbekstandaǵy shıkizat baǵasynan arzan, dep habarlaıdy Egemen.kz inbusiness.kz saıtyna silteme jasap.
Al álemdik reıtıngte Qazaqstan janarmaı eń arzan 167 memlekettiń ishinde 8 satyǵa turaqtady. Al tizimniń eń basyna — Venesýela, Iran men Angola jaıǵasqan.
Reıtıngti shıkizat baǵasy lıtrine 1,1 myń teńgeni quraıtyn Sırııa qorytyndylady. QR Ulttyq statıstıka bıýrosynyń derekterine súıensek, 2020 jyldyń jeltoqsanynda 2019 jyldyń sáıkes kezeńimen salystyrǵanda elimizde AI-95/AI-96 0,8% qymbattap, lıtrine 171,3 teńge turǵan. Al AI-98 1,4% qymbattap, lıtrine 190,2 teńgege jetken.
AI-92 baǵasy 2,7% ósip, lıtri 150,6 teńgege baǵalandy. Jalpy 2020 jyly elimizde 4,5 mln tonna janarmaı óndirildi. Bul 2019 jylǵy kórsetkishpen shamalas. О́ńirler boıynsha óndiris kólemi eń joǵary aımaq Shymkent. Munda «PetroQazaqstan Oıl Prodakts» kompanııasy bar. Atalǵan kásiporyn byltyr 2 mln tonna janarmaı óndirdi. Bul bir jyl burynǵy kórsetkishten 2,6% joǵary.
Odan keıingi orynda Pavlodar (1,4 mln tonna, + 5,7%) jáne Atyraý (1 mln tonna, - 15%) oblystary tur. Atalǵan aımaqtarda Pavlodar munaıhımııa jáne Atyraý munaı óńdeý zaýyty jumys isteıdi.
Osylaısha ótken jyly otandyq kásiporyndar ishki naryq qajettilikterin tolyq qanaǵattandyrǵan. Al eksporttyń úlesi 11,7%-dy qurady. Bir jyl buryn bul kórsetkish 1%-dy bolatyn.