Osy jyldyń 01–11 aqpany aralyǵynda ınstıtýtta qala mektepteri kitaphanashylarynyń suranysyna oraı kitaphanashylar kýrsy uıymdastyrylyp otyr.
Kitaphananyń kitap qoryn tolyqtyrý, ódebıetterdi nasıhattaý, adamdardyń kitap oqýǵa qyzyǵýshylyǵyn qalyptastyrý, oqyrman suranysyn qanaǵattandyrý mindetin atqaratyn kitaphanashynyń kásibı biliktiligin arttyrýy – ýaqyt talaby.
Qazir «О́rleý» BAUO» AQ fılıaly Almaty qalasy boıynsha PQ BAI Almaty qalasyndaǵy ınstıtýt kitaphanasy qala mektepteri men barsha bilim ordalaryndaǵy kitaphanashylarmen tyǵyz baılanysta jumys jasaıdy. Osy eńbektiń nátıjesi bolsa kerek – búginde ınstıtýt qabyrǵasynda bilimin jetildiremin degen kitaphanashylar sany da artyp keledi. Búginde aqyly kýrsqa qala mektepterinen 21 (jıyrma bir) kitaphanashy qabyldanyp, dáris alýda. Kýrstyń bekitilgen oqý-taqyryptyq jospary jáne sabaq kestesi negizinde ınstıtýttyń Oqý jumysy jáne monıtorıngtik qyzmet bóliminiń kitaphana isiniń bas mamany N.A. Karabalaevamen belgili bir jumystardy oryndaý ýaqytyna eńbek sharty da jasaldy. Al kýrstyń kýratory jáne lektor-dáriskeri retinde kýrsty uıymdastyrý jáne ótkizý jaýapkershiligi JjGPOÁ kafedrasynyń aǵa oqytýshysy J.M. Ibraevaǵa júkteldi.
Kitaphana óziniń barsha izgi nıetti oqyrmandaryn, tereń bilim qorymen sýsyndatyp, izdengenderge izgilikpen baǵyt kórsetetin aqparattyq mádenı orda. Al kitaphana mamandaryna júkteletin mindettiń júgi de aýyr. Jurt kóp bile bermeıtin, kóp elene bermeıtin kitaphanashynyń zaman aǵymyna sáıkes jańa tehnologııamen jumys jasaý jolyndaǵy eńbegi qomaqty.