«О́rleý» BAUO» AQ fılıaly Almaty qalasy boıynsha PQBAI mamandary mazmuny jańartylǵan bilim berý baǵdarlamasyn júzege asyrýda muǵalimge kómekshi oqý quraly retinde oqýshylardyń jas erekshelikterine sáıkes keletin tapsyrmalar jınaǵyn ázirledi.
«О́rleý» BAUO» AQ fılıaly Almaty qalasy boıynsha PQBAI dırektory R. Sadvakasova, matematıka páni muǵalimderi – L.Berlınova, N.Ismaılova, T.Karamollaeva avtory bolyp tabylatyn oqýlyq tıptik oqý baǵdarlamasy jáne jalpyǵa mindetti pánder boıynsha oqý jospary negizinde qurastyrylǵan.
Jınaqta 6-8 synyp oqýshylaryna arnalǵan matematıka kýrsy boıynsha test jumystary bar. Oqýshylardy baǵalaýǵa arnalǵan ólshemder boıynsha deskrıptorlar usynylǵan. Tapsyrmalardy qurastyrý kezinde baǵalaýdyń tıimdi ádisi bolyp tabylatyn, oqýshylardyń oqýyn yntalandyratyn jáne onyń jeke bilim alý qajettilikterin sheshetin saralanǵan tásil eskerildi. Sonymen qatar, jınaqqa baǵdarlamanyń ár bólimi boıynsha jáne toqsan boıynsha jıyntyq baǵalaý jumystary engizilgen. Jıyntyq baǵalaýǵa arnalǵan jumystar tórt nusqada berilgen. Birinshi jáne ekinshi nusqalardyń jumystary QR matematıkalyq bilim berý standarttaryna sáıkes keledi jáne barlyq oqýshylar úshin mindetti. Úshinshi jáne tórtinshi nusqalarda oqýshylardyń shyǵarmashylyq áleýetin damytýǵa jáne olardyń matematıkaǵa degen qyzyǵýshylyǵyn arttyrýǵa yqpal etetin tapsyrmalar qamtylǵan.
Mundaı tapsyrmalar oqýshylardyń bilim alýǵa qyzyǵýshylyǵyn arttyrady jáne júıeleıdi. Olardy teorııalyq aqparatty neǵurlym maǵynaly túsinýge daıyndaıdy. Osyndaı tapsyrmalardy oryndaı otyryp, oqýshylar matematıka sabaqtarynda alǵan bilimderi arqyly ómirde týyndaıtyn sanqıly saýalǵa jaýap berýdi úırenedi.
Orta bilim berý uıymdarynda, arnaıy kýrstarda sabaq beretin matematıka páni muǵalimderine arnalǵan oqý quralyn ázirlegen avtorlarǵa pedagogıkalyq kadrlardyń biliktiligin arttyrý salasyndaǵy ádistemelik jumystarǵa belsendilikpen qoldaý kórsetkeni úshin «О́rleý» BAUO» AQ fılıaly Almaty qalasy boıynsha PQBAI ákimshiliginiń Alǵys haty tapsyryldy.
ALMATY