• RUB:
    6.68
  • USD:
    520.93
  • EUR:
    609.07
Basty saıtqa ótý
Qoǵam 05 Aqpan, 2021

Alık Shpekbaev Almaty qalasynyń belsendi qoǵam ókilderimen kezdesti

183 ret
kórsetildi

Búgin Sybaılas jemqorlyqqa qarsy is-qımyl agenttiginiń tóraǵasy A.Shpekbaev Almaty qalasyna jumys sapary aıasynda qalanyń qoǵam belsendilerimen ashyq dıalog ótkizdi, dep habarlaıdy Egemen.kz.

«Belsendi azamattyq qoǵamsyz jemqorlyqty azaıtý, tipti ony túbegeıli joıý týraly aıtýdyń esh máni joq. Sondyqtan biz qoǵamdyq seriktesterdi tańdaýda jáne onyń sanyna qatysty ózimizdi shektemeımiz. Búgingi tańda Agenttik 80 myńǵa jýyq sybaılas jemqorlyqqa qarsy belsendiler men eriktilerdiń qoldaýyna ıe. Olardyń qaıtarymsyz qyzmeti azamattardyń naqty máselelerin sheshýge kómektesti. Biz munymen toqtap qalmaımyz, jumysty jalǵastyryp, aldyn alý qyzmetin kúsheıtemiz», - dedi Alık Shpekbaev.

Is – sharaǵa Almaty qalasy ákiminiń orynbasary Erjan Babaqumarov, memlekettik organdardyń basshylary, úkimettik emes uıymdardyń, buqaralyq aqparat quraldarynyń ókilderi, qoǵam qaıratkerleri, joǵary oqý oryndarynyń rektorlary, «Almaty – adaldyq alańy», «Sanaly urpaq» jobalyq keńseleriniń, arnaıy monıtorıng tobynyń jáne olardyń fılıaldarynyń jetekshileri qatysty. Shaqyrylǵan qonaqtar qatarynda Qazaqstan Respýblıkasy Tuńǵysh Prezıdenti - Elbasy Qorynyń atqarýshy dırektorynyń orynbasary, Agenttik janyndaǵy sybaılas jemqorlyqqa qarsy is-qımyl jónindegi Qoǵamdyq keńestiń tóraǵasy Igor Rogov boldy.

Otyrysty asha otyryp, «Almaty – adaldyq alańy» jobasynyń kýratory Erjan Babaqumarov jobany iske asyrý qorytyndylary boıynsha oń nátıjelerdi atap ótti: «Júrgizilgen jumys aıasynda sybaılas jemqorlyq quqyq buzýshylyqtar deńgeıiniń tómendeýi men halyqtyń jemqorlyqqa qarsy belsendiliginiń artýynda oń ózgeris baıqalady, bul jemqorlyqqa qarsy jumysty uıymdastyrý men júrgizýdegi jańa tásilderge yqpal etti».

Túrli formattaǵy is-sharalar arqyly júzdegen almatylyq eldegi qazirgi zamanǵy sybaılas jemqorlyqqa qarsy saıasat týraly jańa jáne qosymsha aqparat aldy, quqyqtyq bilimderin nyǵaıtty. Bul jumys qalanyń barlyq aýdanynda «Adaldyq alańy» fılıaldary ashylǵannan keıin qosymsha qarqynǵa ıe boldy.

Kezdesý barysynda «Adaldyń alańy» jobalyq keńsesiniń jańa jetekshisi Qazaqstan Respýblıkasy Prezıdentiniń janyndaǵy Ulttyq qoǵamdyq senim keńesiniń múshesi Aınur Sábıtova tanystyryldy.

«Adaldyq alańy»  jobasynyń aıasynda aýqymdy jumystar atqaryldy. Turǵyndar sybaılas jemqorlyqqa qarsy jumystaǵy oń ózgeristerdi atap ótti. Sonymen qosa, bıylǵa jańa maqsattar qoıyp, jekelegen jobalardy iske asyrý bastaldy. Qazir jergilikti atqarýshy organdarda jáne halyq úshin áleýmettik mańyzdy salalarda sybaılas jemqorlyq táýekelderine taldaý júrgizilýde», - dep atap ótti Aınur Sábıtova.

Spıkerler, Agenttiktiń jobalyq keńseleriniń jetekshileri jemqorlyqqa qarsy is-qımyldyń ýaqytyly jáne úılestirilgen is-qımyldarynyń tıimdiligin, sondaı-aq jazanyń bultartpastyǵy qaǵıdatyn myzǵymas saqtaýdyń mańyzdylyǵyn atap ótti.

Shaqyrylǵan qoǵam belsendileri sybaılas jemqorlyqqa qarsy jumysqa, onyń ishinde qoǵamdy saıası jańǵyrtý jáne demokratııalandyrý turǵysynan óz kózqarastaryn bildirip, naqty jemqorlyq táýekelderin belgiledi.

Agenttik  Tóraǵasy barlyq máseleler boıynsha tolyq túsinikteme berip, birqatar naqty ótinishter men shaǵymdardy baqylaýǵa aldy. Sondaı-aq memlekettik organdardyń basshylaryn jemqorlyqqa qarsy is-qımyl salasyndaǵy jumysty kúsheıtýge, «Adaldyq alańy» jobasynyń jumysyn jandandyrýǵa shaqyrdy.

«Birde-bir másele nazardan tys qalmaıdy. Biz úshin belsendi qaıratkerlermen ár kezdesý mańyzdy. Biz muqııat pysyqtap, naqty basqarýshylyq sheshimder qabyldaımyz, munyń bári zańnamadaǵy ózgeristerde kórinis tabady», - dep sybaılas jemqorlyqqa qarsy vedomstvo basshysy sózin qorytyndylady.